Gefa skít í Hafró!

Fréttirnar af mjög aukinni fiskigengd í Barentshafi þrátt fyrir að allar reglur frá norskum og rússneskum systurstofnunum hafi verið brotnar mörg undanfarin ár ættu að vekja ráðamenn hér af dvalanum - við þurfum að veiða meira og ráðleggingar HAFRÓ eru jafnvitlausar ef ekki vitlausari en hjá Norskum og Rússneskum kollegum þeirra.   

Nú á bara að auka kvótann um 50 - 100 %, selja veiðileyfi á vægu verði(t.d.50-70 kr/kg) á frjálsum markaði og með takmörkunum.   Sennilega ætti annað hvort að banna veiðar smábáta í janúar- mars eða banna þeim að fara út fyrir 3 sjómílur!

Það getur ekki verið rétt að yfirvernda fiskinn en ana áfram með virkjana- og álversframkvæmdir sem eru alla vega  ekki endurkræfar - með því er verið að selja okkur í ánauð.

Peningana sem inn koma á að nota til að endurkaupa kvótann af hinum svokölluðu kvótaeigendum svo þeir standi ekki eftir slippir og snauðir - AUMINGJARNIR!  

Drífa svo í að innkalla kvótann og banna harðlega alla veðsetningu á honum!!

 

Ragnar

Athugasemdir

[Árni Gunnarsson, 27.9.2009 kl. 22:50]

Tek undir þetta. Auðvitað er sá kengur í málinu ennþá að ríkisstjórnarflokkarnir hafa ekki lært ennþá það sem mestu máli skiptir í stjórnmálum.

Að segja það sem þeir meina og meina það sem þeir segja. Þeir kunna aðeins að loka sig af og svo að ljúga þegar þeir eru komnir upp að vegg. En hvað annað er í boði í dag?